Osnovna škola Zamet Rijeka

Pusni pondejak - da se stara užanca ne zatare! 

Jedina smo rečka i županijska škola ka na Pusni pondejak organizira maškarani dan. Saki otrok i saka meštrica moru na jedan dan postat ča god će. Najmlaji su tancali va školskoj dvorane, oni malo stareji su se zabavjali  va učionicah.

Malo pokle 10 ur prišli su nan naši dragi gosti, Zametske maškare i zvončari! Veli maj, sopnjada, zvonci i domaća beseda...da čoveka srhi pasaju!

DOBRO NAN PRIŠLI!

ZVONČARSKO KOLO I ČRNI VRAG!

DEČICA UŽIVAJU!

KAPO JE MALO OTPOČINUL! NEKA MALO DRUGI DELAJU!

Zvončari, maškare i naša ravnateljica razmenili su nekoliko lepeh besed o dugogodišnjoj tradicije ku ćemo nastavit njegovat aš je sako leto se više mićeh zvončari i maškar tako da smo sigurni da će ovaj lepi običaj durat još puno let.

Zvončari i maškare su partili va svoj pohod ki je dural do kasno večer, a mi smo zibrali najboje maske pa smo njin va dvorane podelili nagrade.

NAJLEPŠE MASKE:

KONOBAR I MAĐIONIČAR

SHERLOCK HOLMES I DELAVAC 

BLIZANKE I PANKERICA

NJEMAČKOLOZI

THE ROYALS - NAJLEPŠA GRUPNA MASKA

Deca su vesela šla doma, a k letu ćemo si skupa još jedanput dat se od sebe da se stara užanca ne zatare!

Živio pust i naš lepi Zamet!